اشمعنا بحلقي

سلام عليكم

إزيكم ، وإيه الأخبار

طبعا كويسين ومبسوطين والحالة طين (إحممممم ) قصدي فل .

يسألني واحد ويقولي إشمعني لون السياسة بحلقي ؟

طبعا هجاوبه وأقوله وأنت مالك .

هيزيد في الرزالة ويقولي أنا بتكلم بجد .

هقوله علشان السياسة بتخليك غصب عنك تتابعها ، مش حبا فيها ولكن ذهولا واستغرابا ودهشة وتفكيرا ( زهقتوا ولا لسه ) وتفحصا وإمعانا في التبليم والسؤال الرائع (هوه فيه إيييييه ؟ )

وطبعا الألوان فيها إللي بنحبه وفيها إللي بنكرهه ، يعني فيه ألوان هنبص ليها وألوان لأ ، فيبقي اللون الوحيد إللي الواحد بيبصله علي طول هوه البحلقي .

خلصيت عرفت السبب واتبطيت ، أبقي أقري المدونة كده بقي وتابعها بنفس الرزالة والحماس في السؤال ، يا رزل .